රාජ්‍ය සේවයට උපාධිධාරීන් 50,177 ක් බඳවාගනී

රාජ්‍ය සේවයට උපාධිධාරීන් බඳවා ගැනීම සංකේතවත් කරමින් තෝරාගත් පිරිසකට පත්වීම් ප්‍රදානය ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් අද සිදු විය.
විනාඩි 25කට සීමා වූ උත්සවය අද පස්වරුවේ ජනාධිපති කාර්යාලයේ දී
පැවැත්විණ.

මුලින් උපාධිලාභීන් 50,000කට රැකියා දීමට ඉල්ලුම්පත් කැඳවුවද ජනාධිපතිතුමාගේ උපදෙස් පරිදි 60,000ක් බඳවාගැනීමට  රජය තීරණය කළ බව පැවසුණ අතර අද රාජ්‍ය සේවයට එක් වූ උපාධිධාරීන් සංඛ්‍යාව 50,177කි. ඉන් 38,760ක් කාන්තාවෝ ය.  රැකියාලාභී කලා උපාධිධාරීන් සංඛ්‍යාව 31,172කි. උපාධිලාභීන් වර්ගීකරණයේදි අභ්‍යන්තර උපාධිය ලත් 29,156ක් සහ බාහිර උපාධිලාභීන් 20,322ක්  පත්වීම් ලැබ සිටිති. භික්ෂුන් වහන්සේ 1000කට ද පත්වීම් පිරිනැමිණ.
සෙසු උපාධිධාරීන් අතර වාණිජ අංශයේ 1839ක්, කළමනාකරණ 7278ක්, විද්‍යා 4494ක්, දේශීය වෛද්‍ය 143ක් සම සෞඛ්‍ය 161, පරිගණක තාක්ෂණය 989ක්, ඉංජිනේරු සහ නීති 233ක් සහ ගණකාධිකරණ ඩිප්ලෝමාධාරීන් 1906ක් වෙති.
පත්විම්ලාභීහූ නායකත්ව, කුසලතා සහ ආකල්ප වර්ධන පුහුණුවකට යොමු කර වසරක පුහුණුව අවසානයේ ග්‍රාමීය හා වතු පාසල්, ගොවිජන සේවා මධ්‍යස්ථාන, ප්‍රාදේශීය වාරි මාර්ග කාර්යාල, වනජීවි කාර්යාල, දේශීය ආයුර්වේද රෝහල්, ග්‍රාමීය රෝහල්, ඩිස්පැන්සරි, සුළු අපනයන භෝග කාර්යාල වැනි ග්‍රාමීය අංශයට ඝෘජුව සම්බන්ධ ආයතන වෙත අනුයුක්ත කිරීමට සැලසුම් කර තිබේ.

(ඡායාරූප : සාගර ලක්මාල් ද මෙල් – ජනාධිපති මාධ්‍ය අංශය)

Leave a Reply

Your email address will not be published. Required fields are marked *

Next Post

සිංහරාජය බැලීමට පැමිණි තරුණයෙක් දියේ ගිලී අතුරුදන් වෙයි

Wed Sep 2 , 2020
සිංහරාජයේ සංචාරය සඳහා පැමිණි තරුණයෙකු ලංකාගම – අරණුව පාලම අසල ගිං ගඟේ දිය නෑමට ගොස් දියේ ගිලී ඇතැයි නෙළුව පොලීසිය පවසයි. මෙලෙස දියේ ගිලී ඇත්තේ, 21 හැවිරිදි කැලණිය ප්‍රදේශයේ පදිංචි තරුණයෙකි. අදාළ තරුණයා ඊයේ (සැප්: 1) සිංහරාජයේ සංචාරය සඳහා පැමිණ අද (සැප්: 2) උදෑසන අරණුව, මෝදර ප්‍රදේශයෙන් ගිං ගඟ හරහා […]

Breaking News