සුහුරු බස්නැවතුම්පලවල් 3000 ක් රටපුරා ස්ථාපිත කරන ව්‍යාපෘතිය ඇරඹෙයි

සුහුරුබස් නැවතුම්පලවල් 3000 ක් රටපුරා ස්ථාපිත කිරීමේ ව්‍යාපෘතිය ඇරඹේ.

අතිගරු ජනාධිපති ගෝඨාභය රාජපක්ෂ මැතිතුමන්ගේ සෞභාග්‍යයේ දැක්ම ප්‍රතිපත්ති ප්‍රකාශයට අනුව ගරු අග්‍රාමාත්‍ය මහින්ද රාජපක්ෂ මැතිතුමාගේ පූර්ණ ආශිර්වාදය මත සුහුරුබස් නැවතුමපලවල් 3000ක් රටපුරා ස්ථාපිත කිරීමේ ව්‍යාපෘතිය යටතේ පළමු බස් නැවතුම්පල 2021.03.25 වන අද දින ගරු මහාමාර්ග අමාත්‍ය ජොන්ස්ටන් ප්‍රනාන්දු මැතිතුමාගේ සුරතින් රාජගිරිය HSBC බැංකුව අසලින් විවෘත කෙරිණි.

මෙහි සුවිශේෂීත්වය වන්නේ එහි සිටින මගීන්ට රුපියල් ලක්ෂ 10ක රක්ෂණ ආවරණයක්, නොමිලේ වයිෆයි පහසුකම්, ජංගම දුරකථන බැටරි ආරෝපණය කර ගැනීමේ පහසුකම්, එස්.බී.එස් රූපවාහිනී විකාශන, පරිසර හිතකාමී ප්‍රචාරක පුවරු ප්‍රදර්ශනය හා පැය 24 පුරා සී.සි.ටී.වී ආරක්ෂාව ඇතුළු තවත් පහසුකම් රැසකින් මෙම සුහුරු බස් නැවතුම්පොල සමන්විත වේ. මෙම ව්‍යාපෘතිය මහාමාර්ග අමාත්‍යාංශය, මාර්ග සංවර්ධන අධිකාරිය හා එක්ව අධිවේගී මාර්ග ප්‍රවාහන පෞද්ගලික සමාගම විසින් මෙයෙවනු ලබයි.

මෙම අවස්ථාවට කොළඹ දිස්ත්‍රික් පාර්ලිමේන්තු මන්ත්‍රී මදුර විතානගේ, අධිවේගී මාර්ග ප්‍රවාහන පෞද්ගලික සමාගමේ සභාපති කැලුම් ජයසුමන එහි සාමාන්‍යාධිකාරී අභීත එදිසිරිසිංහ ඇතුළු පිරිසක් සහභාගී වූහ.

Leave a Reply

Your email address will not be published. Required fields are marked *

Next Post

පලාත් සභා මැතිවරණය ගැන ජොන්ස්ටන්ගෙන් එළිදරවුවක්

Sun Mar 28 , 2021
පළාත් සභා මැතිවරණය තියන්න තිබ්බෙ මීට කලින්. ඒක වැලැක්වුවේ ප්‍රේමදාස මහත්තයා හිටපු යහපාලන ආණ්ඩුව. ප්‍රාදේශීය සභා ඡන්දය තිබ්බේ නැහැ. අවුරුදු දෙකක් කල් දැම්මා. එයින් ඔවුන් පැරදුනා. ඔවුන් පළාත් සභා පනත වෙනස් කරා. ප්‍රාදේශීය සභා ඡන්දය පැරදුන නිසා පළාත් සභා මැතිවරණය නොතියන්න කටයුතු කළා. ඕනම ඡන්දයක් කලට වෙලාවට තියන්න ඕනා. අපේ […]

Breaking News